Insani huqooq ke aabzror Rami Abdul Rehman ney bataya ke mumkina tour par Adlib mein bombari Roosi jungi tayyaron ki janib se ki gayi hai
shaam mein insani huqooq ke idaron ke mutabiq Asad intizamia ki haleef Roosi fouj ney shumali maghribi Governance Adlib mein wehshiana bombari mein darjanon shehrion ko mout ke ghaat utaar diya hai. insani huqooq ki soorat e haal prnzr rakhnay walay idaara ‘Syrian Observatory’ ke mutabiq Adlib ke wasti ilaqa Zaradna mein Roosi fouj ke jungi tayyaron se ki gayi bombari mein kam se kam 38 aam shehri halaak aur darjanon zakhmi hogaye hain jab ke barri tadaad mein shehri malbay taley dabey hue hain .
insani huqooq group ke mutabiq ibtidayi it-tila-aat mein 18 aam shehrion ke maaray janay ki tasdeeq ki gayi thi taham mazeed daidh darjan afraad ki mayyaten nikaali gayi hain. maqtuleen mein bachay aur khawateen bhi shaamil hain jab ke zakhmion ki tadaad 60 taq batayi ja rahi hai. Insani huqooq ke aabzror Rami Abdul Rehman ney bataya ke mumkina tour par Adlib mein bombari Roosi jungi tayyaron ki janib se ki gayi hai. is mein Roosi sakhta bomb istemaal kiye gaye. mutasirah ilaqay ke qareeb imdadi karkun zakhmion ko fori tibbi imdaad pohanchanay ki koshish kar rahay hain. un ke paas do aisay zakhmion ko laya gaya jin mein se aik be hosh tha aur dosray ke chehray ki shanakht nahi ho rahi thi. khayaal rahay Adlibke jis ilaqa ko Roosi jungi tayyaron ki janib se bombari ka nishana banaya gaya hai woh tehreer shaam mahaaz jo maazi mein Al Qaeda ki zeli tanzeem ‘Alnasrah Front’ ke tour par mashhoor thi ke control mein hai. haliya dinon mein seen ilaqay mein Roosi fouj ka yeh bad tareen hamla hai