Bangalore: Australiyai doura ki tayari karne walay hindustani team ke jarehana opener Rohit Sharma ne yahan national cricket academy mein apni fitness ki tarbiyat ka aghaaz kiya.
Rohat australiyai doray ke liye Hindustan ke mehdood overs squad ka hissa nahi hain aur final ke alawa IPL ke 2 muqablon mein Mumbai Indians ki numaindagi ke baad selectors ne inhen nazarsani shuda test squad mein shaamil kiya.
Halaanke Rohit ne kaha ke woh bilkul theek hain lekin BCCI ne mehsoos kiya ke usay IPL ke douran azlaat mein jakran se sehat yab honay ke liye Rohit ko mazeed waqt darkaar hai, jisse unki fitness hesiyat par ek zabardast behas chedh di gayi.
Rohit ne IPL ke final mein bhi ravani ke sath 68 runs banaye thay jiski badolat unki team ne ek badey farq se final mein kamyabi haasil ki thi. Rohit ki fitness aur bhi ziyada ahem hogayi hai kyunkay Australia mein pehlay test ke baad mustaqil kaptan virat kohli dastyab nahi honge kyunkay unki ahliya anushka sharma aur woh apni pehli aulaad ki tawaqo kar ray hai hain.
Alawa azeen senior fast bowler ishant sharma jo NCA mein apni mukammal sehat yabi ke liye mehnat kar rahe hain unhon ne chief selector sunil joshi aur NCA ke sarbarah Rahul dravid ki nigrani mein apni tayario ko tez kardiya hai.
Ishant aur Rohit dono team mein shaamil honay se qabal ek sath Australia ke liye rawana honge aur 14 din ke qarantina se guzrenge.