New Delhi: England mein 30 May ko World Cup shuru honay wala aur is se pehlay Hindustani Tteam ke khiladi IPL mein apni Practice kar rahay hain. World Cup se pehlay Mumbai Indian ke Captain aur qaumi team ke Nayeb Captain Rohit Sharma ney Dhoni ke mutaliq izhaar khayaal karte huwe kaha ke sabiq Captain ka World Cup mein Hindustani team ke liye ahem kirdaar hoga.
India today se khaas baat cheet mein Rohit Sharma ney kaha kay World Cup mein Dhoni ka kya kirdaar rehne wala hai is par sab ki nazrain hain lekin Dhoni ka World Cup mein ahem kirdaar hoga. Rohit Sharma ney kaha Dhoni ke paas kayi barson ka tajurbah hai. Unhon ney kayi saal taq Team ko sanbhala aur usay kamyabi dilwai lehaza Dhoni ka kirdaar be had ahem rahay ga.
Dhoni ki Salah aur soch kayi khiladion ke kaam aati hai. Woh har khiladi ki madad karte hain. Rohit Sharma ney kaha jab Dhoni Wicket Capping karte hain to Kuldeep aur Chehal ko pitch ke barey mein batatay hain aur inhe kaysi bowling karni hai yeh bhi raye dete hain. Yeh sab cheeze kaafi ahmiyat rakhti hain.