Hyderabad : Riyasti wazeer-e-sahet Etela Rajender ne jumeraat ko director general of police ko riyasat ke tamam police stations mein saf suthra aur sabz mahol ko yakheeni bananay ke liye fouri iqdamaat karne ki hidaayat ki.
Wazeer-e-sahet ne Mahendra Reddy ko phone kiya aur inhen yeh dekhnay ke liye kaha ke police stations par park kiye gaye zabt shuda gadiyon mein pani se, macharoun ki afzaish ke liye jagah na banay. aur DGP se kaha ke woh apne police ohdedaroun ko gadiyon mein pani jama honay se roknay aur bimariyon ki rok thaam ke liye ehtiyat karne ki hidaayat den.
Etela Rajender ne kaha ke police Stations mein rakhi gayi zabt shuda gadiyon mein pani jama honay aur macharoun ki afzaish ka khatrah ban sakti hain. is baat ko yakheeni banaya jaye ke barish se un gadiyon mein pani jama nah ho. unhon ne yeh bhi kaha ke police Stations ke aas paas bhi saaf suthra mahol rakhna chahiye. –YTN STAFF