Hyderabad : TPCC ke karuguzar sadar Ponnam Prabahakar ne chaharshambe ko cheif secretary SK Joshi se mulaqaat ki aur kareem nagar zila ke west micro project ke 11 gaoun ke mutasireen ke muamlay par ek numaindagi paish ki. baad mein media numaindon se baat karte hue unhon hukoomat se mutalba kiya ke Riyasati hukoomat ghair munqasim kareem nagar zila ke tamam be ghar afraad ke liye double bed room makanaat taamer kare.
Unhon ne yeh bhi mutalba kiya ke Riyasati hukoomat mutasirah dehaton se 18 saal ki Umar mukammal karne walay tamam logon ko do laakh aur 200 murabba gaz plot ki adaygi kare.
Unhon ne kaha ke wazeer-e-aala KCR ke kumba ke afraad ko isi ilaqay mein muawza mila hai. congress ke rehnuma Ponnam Prabhakar ne Riyasati hukoomat ko mutnabba kiya ke basorat deegar woh kama reddy, kareem nagar shahrah road bock karenge.
Prabhakar ne markazi wazeer-e-dakhla Amit Shah ki janib se riyasat telangana ke baare mein diye gaye bayan ke khilaaf narazgi ka izhaar kya. aur yeh ilzaam aed kya ke hukmuran TRS ke arkaan, parliment mein khamosh rahay, jab Amit Shah yeh bayan day rahay the ke parliment ke darwazay band karkay telangana riyasat ka alag bill Manzoor kiya gaya hai.
Unhon ne mutalba kya ke woh telangana ke awam se ghair mashroot mafi mangeen. wahein Riyasati BJP rehnumao se apni party ke qaied ke bayan par wazahat talabb ki. unhon ne kaha ke Amit Shah ne riyasat telangana ke awam ki 60 sala taweel khwahisaat ki towheen ki hai.
Unhon ne yeh kehte hue wazeer-e-aaazm Narendra Modi ke bayan ki bhi mazammat ki ke Telangana riyasat ko ghair qanooni tareeqa se tashkeel diya gaya tha. Prabhakar ne markazi Amit shah ko is tarhan ki saada haqeeqat se aagahi aur laa ilmi par tanz kiya. Prabhakar ne sabiq markazi wazeer Sushma swaraj ki achanak mout par izhaar taaziyat kya. –YTN STAFF