Hyderabad: Hyderabad aur riyasat bhar mein Monsoon mousmi sorat-e-haal mein Covid-19 ke wabai marz ke ilawa Viral Fever, Swine Flu, Tayifayid Fever, Dengue aur Malaria samait mukhtalif mousmi bimarion apna sar utha sakti hain lehaza Doctors aur mehakma sehat ke ohdedaron ne awam ko mashwara diya hai ke woh Monsoon ke baad ki un bimarion se khud ko mehfooz rakhnay mein koi kasar nah choden.
Pichlle chand hafton ke douran Hyderabad ke khangi Nursing Homes, Clinics aur Fever Hospital mein pehlay hi Viral Fever, Mushtaba Dengue, Swine Flu aur tayifayid bukhaar ke mamlaat mein izafay ki ittila milna shuru hogayi hai. Taham mousmi bimarion ke salana chakkar se waaqif senior Physicians ne is baat ki nishandahi ki ke Hyderabad mein Dengue bukhaar ke mushtaba waqeat mein izafah itna shadeed nahi hai jitna ke Dengue bukhaar ke mushtaba waqeat ki ek qabil zikar tadaad mein ittila mili thi. Taham mutawaqqa mousmi halaat ki wajah se Viral Fever aur is terhan ki deegar riyasat mein Monsoon mousmi bimarion mein izafay ki tawaqqa hai.
Fever Hospital ke superintendent Dr K Shankar ne mojooda soorat-e-haal ke zimn mein kaha hai ke hamein aglay 3 mahino mein intehai mohtaat rehna hoga. Hum Covid-19 ke ilawa December tak jari rehne wali mutadid mousmi bimarion ka saamna karne ki aur naazuk sorat-e-haal ki tawaqqa kar rahay hain. Mein zaati tor par aam logoun se guzarish karoon ga ke woh ghair zaroori awaami ijitmaat se guraiz karen aur December tak Mask ke istemaal aur deegar zaati hifzaan sehat ke iqdamaat jaisay Covid rehnuma khutoot par sakhti se amal karen.
Senior doctors ne mazeed kaha hai ke jismani faslati iqdamaat aur Mask ka wasee istemaal Covid-19 ke ilawa Swine flu aur deeq ki shiddat ko bhi kam karsaktha hai. Yahi wajah hai ke har jagah hakoomaten awam ko Mask pahannay ki targheeb day rahi hain. Dr Shankar ne mazeed kaha hai ke Hyderabad aur azlaa mein awam ko baher nikaltay waqt Mask pehnana chahiye aur kam az kam aglay chand mahino tak is ahteyati iqdaam ko nazar andaaz nahi kiya jana chahiye.
Yaad rahay ke 15 September tak Telangana mein covid-19 misbet mareezon ke ilawa swine Flu ke 500 se zayed mamlaat dekhnay mein aaye hain. Guzashta ek hafta mein chhootey clinic, Khangi Nursing Homes aur khangi dawakhanon mein azlaa aur Hyderabad mein mushtaba Dengue aur Malaria ke mamlaat mein izafah huwa hai.