Hyderabad : Riyasat ki 2 partiyoun congress aur TDP se talluq rakhnay walay leadroun ney BJP mein shumuliat ikhtiyar kar li. chaharshambeh ke roz congress ke senior leader Ravindra Naik aur TDP leader R. Prakash Reddy ne bhi BJP ke qaumi general secretary Murlidhar Rao, markazi wazeer-e-dakhla baraye mumlikat G.kishan reddy aur reyasti BJP sadar ke Laxman ki moujoodgi mein BJP mein shumoliat ikhtiyar karli.
Is mauqa par ke Laxman ney khitaab karte hue ilzaam lagaya ke hukmaran TRS qaideen BJP kaarkunoun par tanqeedi hamlay kar rahay hain. unhon ney kaha ke woh TRS party ki khandani hukmarani ke khilaaf ladnay ke liye kisi bhi jamhoori tanzeem se haath milaane ke liye tayyar hain.
Unhon ney kaha ke BJP riyasat mein TRS ki wahid mutabadil hai, kyunkay riyasat mein Bhagwa party ko mazboot kiya jaraha hai. unhon ney is etemaad ka izhaar kiya ke unki party 2023 ke intikhabaat mein riyasat mein kamyabi haasil karegi aur Iqtidaar par Faiz hogi. –YTN STAFF