Riyadh: Saudi Arab ke dar-ul-hukoomat Riyadh mein Remote Control bambaar tayyaron ( Jet Power ) ka tournament munaqqid kiya jaraha hai. Is ka intizam robot-o-remote control sports ki Saudi organization ki janib se kiya ja raha hai.
Website ke mutabiq ek arsay se Saudi Arab mein coronavirus ki waba ki wajah se khelon ki tamam sargarmia band the jo haal hi mein bahaal ki gayi hain. Muqablay muqami waqt ke mutabiq aaj shaam 4 bajey Riyadh ke remote control sports head quarter mein shuru hon ge jabkay umeedwaron ko Tournament shuru honay se 1 ghantay qabal headquarters mein Registration ka mauqa diya jaye ga.
Saudi remote control sports organization ne Tournament mein hissa lainay walon par kayi pabandiyan lagai hain jin ke mutabiq Tournament ke laiha amal ki pabandi zaroori hogi aur wizarat sahet ki janib se muqarrar SOP ki pabandi bhi karna hogi taakay programme mein shareek logon ko coronavirus se bachaaya jasakay.
Saudi wireless aur remote control sports federation nay haftay ke roz tournament ke fathin ko inamaat se nawaza, Jis mein shirka nay remote control walay hawai jahaaz udane mein apni salahiyaton ka muzahira kiya.
Championship Saudi Arab mein Wireless khelon ke farogh ke liye federation ki koshisho ka ek hissa thi. Saudi Arab mein udney wala Radio control wala tayyarah maqbool ho raha hai.