Riyadh: Riyadh ke ek Hotel mein guzashta raat aag lagnay se 24 afraad jhulas gaye hain. Fire rigid ney bar waqt karwai kar ke aag par qaboo pa liya. Tafseelaat ke mutabiq Hilal Ahma ki 9 teams ney shehri difaa ki teams ki muawnat ki. Imdadi teams ney mutasireen mein se 2 ko ibtidayi tibbi imdaad faraham kar ke qareebi dawakhanoun mein mazeed ilaaj ke liye daakhil kar diya hai.
Yaad rahay ke mausam garma ke douran Saudi Arab ke shehroun mein atishzadgi ke waqeat ziyada hotay hain. Shehri difaa ki janib se baar baar hotels, Rehaishi marakaz, Companiyoun o idaroun aur gharoun ke malikaan aur kiraya daaroun se kaha ja raha hai ke wo aag par qaboo panay ke liye ibtidayi zurori ashya rakhen.
Shehri difaa ne shehrioun ko aag par qaboo panay ke hawalay se bhi aagahi haasil karne ka kaha hai. Aag mein mahsor honay ki soorat mein khud ko bachanay aur is se nikalne ke tareeqay bhi samjhaye ja rahay hain.