Riyadh: Saudi Arab ka dar-ul-hukoomat Riyadh Smart shehroun mein shaamil ho gaya hai. Aqwam mutahidda ki khusoosi committee ne Riyadh ku Smart city honay ki sanad jari kiya hai. Tafseelaat ke mutabiq Riyadh Royal Authority ke matehat research and Studies idaray ke Director Engineer Abdul Rehman Alsultan ne award wusool kiya.
Yaad rahay ke a Spain mein aqwam mutahidda ki khusoosi committee ke ijlaas mein smart shehroun asnnad ke umeed waar shehroun ke istehqaq par mushawarat ki gayi thi. Riyadh ke ilawa 4 aur shehroun ko aqwam mutahidda ki khusoosi committee ne smart city ke asnad jari kiye hain.
Deegar shehroun mein Roos ka dar-ul-hukoomat Moscow aur mutahidda UAE ka sayahati shehar Dubai shaamil hain. Un shehroun ka intikhab duniya bhar ke 100 shehroun mein se kiya gaya hai. Intikhab ka miyaar paidaar taraqqi aur zahanat ke istemaal mein un paanchoun shehroun ki khidmaat ko qarar diya gaya. Ye shehar smart shehroun ke aalmi pemanay tarteeb dainay ke ahal bhi qarar diye gaye.
Wazeh rahay ke International communication organization aur ghair janabdaar bain ul aqwami tanzeemoun ke ek wafad ne July 2019 ko Riyadh shehar ka dora kar ke smart city ke hawalay se is ke istehqaq ka jaiza liya tha. –YTN STAFF