Hyderabad: telangana ke dar-al-hakoomat hyderabad se siddipet ke rasta mein aik aisa sarrak haadsa paish aaya jis ko suneney walay bhi gham mein mubtela hogaye. tafseelaat ke bamoujib qareebi rishta daar ki laash ko ambulance mein le jaaney ke douran paish aeye sarrak haadsa mein ambulance mein sawaar do behnain halaak hogai. yeh haadsa tlnganh ke siddipet zila ke Rajiv raahdaari ke qareeb subah ki awleen sa-aton mein uss waqt paish aaya jab ambulance gaari nay DCM Van ko takkar day di. is haadsa mein marnay wali do behnoon ki shanakht 35 sala ke sunita aur 41 sala am rani ke tour par ki gayi hai. hyderabad ke dawakhana se yeh laash siddipet le jayi jarahi thi. khangi ambulance nay peechay se DCM van ko takkar day di. is haadsa mein dono behnain mauqa par hi halaak hogai. ambulance ka driver bhi zakhmi hogaya. is haadsa se is khandan par saktah taari hai .
aik aur haadsa Telangana ke zila khammam mein paish aaya jahan 1 shakhs shadeed zakhmi hogaya. yeh haadsa zila ke koine jirlla mandal mein uss waqt paish aaya jab RTC bus naay two wheeler ko takkar day di. police ke mutabiq ke venkateshwarlu apni behan ke sath khammam dawakhana ja raha tha ke bas ke driver naay is ka tawazun khodya jis ke nateeja mein yeh bas bike se takra gayi aur venkateshwarlu bike se gir kar zakhmi hogaya. is ko ilaaj ke liye ba zarea ambulance hospital muntaqil kardiya gaya .