Mumbai: Maharashtra ke Ratnagiri mein Tiware Dam totnay se is ke aas paas zabardast tabahi ke manazair hain. Dam totnay ke baad kam wo besh 24 afraad lapatah hain aur 2 logoun ki laash bar aamad ho chuki hai. is tabahi mein Dam ke nazdeek ke 7 Gaoun garqaab ho chuke hain aur wahan selaab ka nazarah hai. intizamia aur NDRF ki team mauqa par pohanch gayi hai aur raahat wo bachao ka kaam jari hai. yaad rahay ke Mumbai mein guzashta do din se musalsal baarisho ka silsila jari raha jis ki wajah se maharashra mein aam zindagi maflooj hogayi hai.
Yaad rahay ke Maharashtra mein barish ke qehar neh pehlay hi 31 jaanen leli hai jin mein 18 amwaat Mumbai mein deewar munhadim hojane se hui hain jabkay hukkaam ne shehar aur atraaf wo aknaaf ke ilaqon mein chutti ka aelaan karte hue awam se apne gharon se bahar na niklne ki appeal ki hai. Mouslahar barish ne chief minister Devendra Fadnavis ko bhi MLA’s ke liye nai building ki taamer ki sang-e-bunyaad taqreeb ke apne programme ko mansookh karna pada hai. Mumbai ke shumali muzafaat Malad mein mangal ki subah bhaari barish ke nateejay mein ek deewar grjane se 18 afraad halaak aur zayed 50 deegar zakhmi hogaye. isi tarhan Pune mein 6 mazdoor peer ki raat der gay Ambey gaon ilaqa mein deewar grjane se faut hue aur teen deegar ko zakham aaye. Pune mein isi tarhan ke waqea mein mazeed 6 afraad halaak hue hain. -YTN STAFF