Bengaluru. Aik ghair mamooli case mein Police Commissionerate mein Vanita Sahyavani Womens’ Help Line) mein haal hi mein ek case pouncha jis mein aik 31 sala Taajir ney yeh darkhwast ki ke is ki sabiqa girlfriend ke sath us ki qabil aitraaz haalat mein li gayeen tasaveer aur videos bar aamad ki jaye. Dance Bar ki Raqqasa ney usay yeh dhamkian dete hue ke woh un tasaveer ko online post kardainay aur khaas kar biwi aur rishta daaron ko bhaij dainay ki dhamki dete hue 2.5 crore rupay mobayyana taur par wusool karli. Mazkurah Taajir ko Rajasthan ke aik MLA ney mahswara diya ke woh Police mein shikayat darj karwaye magar woh apne naam ka inkishaaf hojane ke dar se aisa karne se guraiz karta raha tha. Taajir Bengaluru ke aik mashhoor khandan ka fard hai jis ka ke are markt ke qareeb sanitarywear ka holesale ka kaarobar hai, 2016 ke wast mein shehar ke ek martaba dance baar gaya tha aur wahan woh aik 24 sala Raqqasa par farifta ho gaya tha, woh is ki khatir aksar dance baar jana shuru kya aur is Raqqasa ko tuhaayef dainay shuru kardiye. Aurat ney yeh bhaanp liya ke nojawan is ka girwidah hogaya hai usay apne aastn home ke ghar par madoo karne lagi. Aur woh badi hushiyari se Taajir ke khandan ki tafseelaat, is ki maali haalat haasil karne lagi. Hatta ke is ney Taajir ki biwi ka phone number bhi haasil karliya. baar dancer ney apne bistar par Taajir ke sath qabil aitraaz haalat mein videos bhi tayyar kiye aur kayi jaghon par khufia andaaz mein filmbandi bhi karli. Kuch mawaqay par is ney Taajir ke ilm mein laakar videos bhi shoot kiye thay. Chand mah baad Taajir ney is se is liye doori ikhtiyar krna shroa kar di ke Raqqasa ney usay un lamhaat ke videos dikha kar yeh dhamki di ke woh un videos ko online post kar dein gi aur Taajir ki biwi ko whatsapp karde gi. Raqqasa ney aisa nah karne ke liye is se pesey btorne shuru kiye, ibtida mein raqmi mutalba chand lakhoon rupay tak sun-hwa karta tha, woh is baat se nawaqif tha ke Raqqasa ka boy freind is se tawwan wusool karne ka mansoobah bnarha hai, woh khatoon ke mutalba ko poora karta raha hatta ke Bengaluru tamam five star hotlon mein khatoon ke sath qiyam kya is ke liye qeemti ashya khareed kar diya karta raha aur kayi mawaqay par partiyon par lakhoon rupay kharch kya. is terhan do baras mein khatoon ney is se 2.5 crore rupay batore liye. Taajir ney Raqqasa ke videos sameit is ke ghar tak pahonch jaaney ke dar se is ke iradey jaanne ke liye is se mutsadam huwa. Raqqasa aur is ke boyfreind ney Taajir ko hatmi taur par maamla ki yaksoi ke liye 75 laakh rupay ka mutalba kya. Soorat e haal se pareshan haal Taajir ney Rajasthan mein apne aik MLA dost se mahswara kya jis par unhon ney Police se rujoo honay ka mahswara diya. Taajir ney Police help line se rujoo ho kar apna mudda bayan kya aur kaha ke woh Raqqasa par kharch kardah raqam ki wapsi ka mutamanni nahi hai balkay woh chahta hai ke is Raqqasa ke paas mojood videos aur tasaveer delete kar diye jayen. Help-line ki councillar ney inhen mahswara diya ke woh bazabta aik shikayat darj kurwaye magar Taajir ney is zimn mein abhi apna zehan nahi banaya hai.