Hyderabad. Rani Gunj, Secunderabad ilaqa mein Bombay Hotel ke qareeb Asian Paints ke godaam mein aag lag gayi. it-tila-aat ke mutabiq Mahankali police station ke hudood mein waqay is godaam mein aaj 5:45 bajay aag bhadak uthi, khush qismati se koi jani nuqsaan nahi sun-hwa hai. barri der taq aag bharkii rehne ki wajah se atraaf o aknaaf sarasamigi payi gayi. Aag ke baayes paint ke dabbay phatt padney se anay wali awazon ke baais muqami log khaufzadah hogaye. police ittila mlitay hi fouri wahan pahonch gayi aur hifz e mataqadum ke tour par muqami logon ka taqlia krwadya. kaafi tug o do ke baad fire tenders ney aag par qaboo pa liya. samgha jata hai ke short circuit ke baayes atishzadgi ka yeh waqea paish aaya. Commisioner GHMC ko bhi is waardaat ki ittila di gayi aur woh bhi maqam haadsa pahonch kar sorat e haal ka jaiza liya. Railway hukkaam ney aag par qaboo panay tak qareeb se guzarnay wali rout par trains ki aamad o raft ko rokay rakha tha