Rampur: Hafta ke roz Rampur aur Kanpur Shehriat tarmeemi act ( CAA ) pur pur tashadud muzahiroun ke darmain police ki karwai mein 1 shakhs ko halaak kar diya gaya. Rampor mein gadiyoun ko nazar aatish kar diya gaya. Rampur zilai intizamia ne abhi tak halakat ki tasdeeq nahi ki hai.
Rampur mein muzahireen ne pathrao kiya, Mutadid gadiyoun ko aag lagadi. Police ne muzahireen ko qaboo karne ke liye ansoo gas ka istemaal kiya. Ulama Ikram ne bhi muzahireen ko samjhane ki koshish ki.
Mukhtalif ilaqoun se hazaroun afraad ehtijaj karne niklay aur Hathi Khana chowk pur jama hogaye. Muzahireen ki tadaad mein izafah honay ke baad hajhoom pur tashadud ho gaya aur police ki Motarcycle sameit 4 gadiyoun ko aag lagadi gayi. Muzahireen ne police ki janib se un par firing ka ilzaam aed kiya, Jabkay police ne is ilzaam se inkaar kiya.
Kanpor mein, Hazaroun muzahireen yateem khanah pur jama hue, Aur mutshadd hogaye, Jis mein 12 afraad zakhmi ho gaye. Muzahireen ko qaboo karne ke liye police ne aanso gas ka istemaal kiya aur lathi charge kiya. Aur samajwadi party ke rukan Assembly Amitabh Bajpai aur haji i Irfan Solanki ko police ne hirasat mein le liya.
Qabal azeen, Qazi Maulana Riyaz Hasmati ne logoun Babupurwa aur Munshipurwa masjid mein qiyam aman ki appeal ki. SSP Anant Dev ne bhi yaqeen dehani karai ke, Jin afraad ko giraftar kiya gaya hai, Unko reha kiya jaye ga.
Shia Alam deen Maulana Kalbe Jawad ne kaha ke CAA aur NRC do mukhtalif cheeze hain. NCR nah sirf poooray mulk mein, Balkay Assam mein bhi nafiz kiya gaya hai. Kuch siyasi jamaten CAA aur NRC se mutaliq logoun ko gumraah kar rahi hain aur muslim community ko aman bar qarar rakhna chahiye.
IG ( law and order ) Uttar Pradesh, Praveen Kumar ne kaha ke 10 decemeber se ab tak 705 afraad ko giraftar kiya gaya hai, Jabkay saarhay 4 hazaar nazar
bandyoun ko reha kiya gaya hai. Riyasat mein pandrah amwaat ho chuki hain, Jabkay 263 afraad zakhmi hue hain. –YTN STAFF