Sunday, April 14, 2024
HomeIndiaRamnath Kovind aur Narendra Modi ney Mahatma Gandhi ko kharaj paish Kiya

Ramnath Kovind aur Narendra Modi ney Mahatma Gandhi ko kharaj paish Kiya

New Delhi: Chaharshambe ko Mahatma Gandhi ki 150th Jayanti ke mauqa par wazeer-e-aazam Narendra Modi ney baba-e-qoum Mahatma Gandhi ko yaad Kiya  aur inhen kharaaj paish Kiya.

Wazeer-e-aazam ney Mahatma Gandhi ko kharaaj paish karne ke liye Raj ghaat mein unki samadhi ka doura Kiya. Is mauqa par sadar jamhooria ram nath kovind, naib sadar jamhooria Venkaiah Naidu aur deegar bhi mojood they.

Baad mein wazeer-e-aazam Narendra Modi ney Tweet karte hue kaha ke ”Unhoun ney kaha ke Mahatma Gandhi ki aman, hum ahangi aur bhai chaaray ke liye wabastagi rahi. aur babaye qoum ney aisi duniya ka tasawwur Kiya  jahan ghareebon ko taaqat milti ho. unhon ney yeh bhi likha ke ”unke khwaboun ko samajhney ke liye sakht mehnat karte rahenge.

Sadar jamhooria Ramnath Kovind ney tweet Kiya  ke ”Mahatma gandhi ki 150th yom-e-paidaiesh par kharaaj aqeedat. hum sab ke liye mauqa hai ke khud ko haq, Adam tashadud, hum ahangi, akhlaqiaat aur saadgi ki eqdaar ke liye sirkhwar hon. unka paigham sab ke liye ahem hai. jab hum mahatma ke yom-e-paidaiesh par aqeedat paish karte hain, to aayiye apni roz maraah zindagi ko tabdeel karne ki koshish karen. yeh babaye qoum ko haqeeqi kharaaj hoga. wazeer it-tila-aat wo nashriyat prakash javedkar ney bhi tweet ke zareya kharaaj paish Kiya. –YTN STAFF