Hyderabad: Bhai aur Behan ke atot bandhan ki alamat Raksha Bandhan ( Rakhi ) ka tehwar dono Telugu reyaston Telangana aur AP mein nihayat hi josh wa-kharosh ke sath manaya gaya. Is mauqa par har taraf pur-josh manazair dekhe gaye kyunkay behnoon ne apne bhaieyon ko allag allag qisam aur size ki rakkhi baandhi, Un ko mithai khilai aur un ki taweel omar ke liye naik tamanao ka izhaar kiya jabkay bhaieyon ne rakkhi bandhnay wali behnoon ko tuhaef pesh kiye.
Isi douran Telangana ki Governor Dr Tamilisai Soundararajan ne riyasat ke awam ko rakhi ke tehwar ki Mubarakbaad pesh ki. Apne payam mein Governor ne kaha ke ye tehwar bhaiyon aur behnoon ke atot bandhan ki alamat hai. Unhoun ne naik tamanao ka izhaar karte hue kaha ke mohabbat ka bandhan tamam bhaiyon aur bhenon ki zindagion ko jodega aur ye mazboot ittehaad ki ek behtar alamat hai. Is martaba Covid-19 ka aasar tehwar par pada kyunkay purana shehar Hyderabad mein rakhi ki farokht mein kami waqay hui. Taajiron ka kehna hai ke Covid-19 ka asar zindagi ke tamam shoba jaat par pada aur un ke kaarobar par bhi ye assar dekha gaya.