Jaipur : Ek haeran kun waqiya mein, Rajasthan ke zila Jalore mein ek 17 sala bachi ko is ke waalid ne ghar ke andar zanjeeroun mein jakdey rakha aur kayi baar is ki iske sath zyad-ti ki. Apne bayan mein na baligh ne apne waalid par ilzaam lagaya hai ke isne is ladki ke hathoun aur pairoun ko bhaari zanjeeroun se bandhe rakha aur iske baad kayi baar is ko zyad-ti ka nishana banaya.
Police ohdedaroun ke mutabiq, ladki kisi tarha ghar se faraar honay mein kamyaab hogayi aur ladki ke mamu ne police mein iski shikayat darj karwai, ladki ne tamam daastaa’n sunai. ladki ke chacha ne bataya ke mutasirah ki walida ne rozana honay walay jhagde se tang aakar 7 saal qabal ghar chodh kar chali gayi thi, aur doosri shadi karli thi. jis ke baad mutasirah ladki apne waalid ke sath hi reh rahi thi.
Jummay ke din, mutasirah ladki ko apne waalid ke chongal se faraar honay ka mauqa mila aur woh apne pairoun mein bandhi zanjeeroun ke sath apne mamu ke khetoun tak pohanchi. ladki ne bataya ke iske waalid ne khandan ki ek aurat ke sath najaaiz taluqaat rakhay they aur un dono ko is ne ek sath dekh liya tha. jiske baad, waalid ne usay zanjeeroun mein jakad kar ghar mein qaid kar diya. aur iske sath zayad-ti ki.
Girdhar singh station house officer ( SHO ) ne bataya ke police ne maamla darj kar liya hai aur tafteesh ka aaghaz kardiya hai. aur mutasirah ladki ko tibbi muaina karaya jayega.
– YTN STAFF