Jaipur : Rajasthan ke zila town ke Malpura qasbay mein Dussehra ke juloos par pathrao ka ek na-khushgawar waqea pesh aaya. jis se is ilaqay mein kasheedgi phail gayi. chaharshambe ki subah 4:30 bajey sakht security ke darmiyan ravand ka Putla jalaya gaya. is mauqa per nikale gaye juloos mein ek firqa ke logon ki janib se pathrao kiya gaya, woh log ravand ka putla jalanay nahi day rahay they, jiske baad shadeed jhadap hui aur pathrao ka waqea pesh aaya.
Police ne kaha ke intizamia nay sorat-e-haal par qaboo panay ki koshish ki, aur kasheeda mahol ke pesh-e-nazar internet khidmat mo-attal kardi aur aadhi raat se curfew nafiz kar diya gaya.
Zila town ke district collector KK sharma aur Superintendent police ( SP ) Adarsh Sidhu ke sath police ki bhaari jamiat bhi mojood thi. Malpura ke SHO nay bataya ke chand shar-pasandon ko hirasat mein le liya gaya hai. fil-haal, sorat-e-haal qabu mein hai. –YTN STAFF