Jaipur: Rajasthan mein pehlay marhalay mein 19 April ko Lok Sabha intikhabaat ki 13 nishistoun par hone walay intikhabaat mein bunyadi tor per BJP aur congress ke darmain muqaabla hai aur cheif minister Ashok Gehlot, sabiq cheif minister Vasundhra Raj, markazi wazeer Gajendar Singh Shekhawat aur PP Choudhry sameit mojooda nou arkaan-e-parliment aur sabiq wazeer kharja Jaswant singh ka siyasi Waqar dau per laga hua hai .
Un nishistoun ki intikhabi tashheer zor pakadney lagi hai. un 13 nishistoun par BJP aur Congress ke darmiyan barah e raast muqaabla honay ke aasaar hain jabkay Banswara mein yeh muqaabla sah rukhi bantaa ja raha hai. un nishistoun par raye dahi ke liye ab 13 din baqi hain aur sabhi umeed waar aur unke haami intikhabi tashheer mein masroof hain. riyasat mein Iqtidaar mein tabdeeli anay ke bawajood wazeer e azam Narendra Modi ke 3 logon mein ab bhi tavajja barqarar hai aur party aur umeedwaron ko kam aur Modi ko ziyada tarjeeh day rahay hain. guzashta assembly intikhabaat mein BJP ko Iqtidaar se bahar karne ke baad se congress ke karkunaan mein ziyada josh hai jis ki wajah se ziyada tar nishistoun par BJP aur congress ke darmain hi ahem muqaabla bantaa ja raha hai .
Cheif Minister Ashok Gehlot ke betay Vaibhav Gehlot jodhpur se election lad rahay hain jaha un ka barah e raast muqaabla BJP ke umeed waar Shekhawat se hai. Gehlot aur deputy cheif minister Sachin pilot sameit deegar leader jodhpor mein un ki himayat mein intikhabi jalsay kar chukay hain. nojawan leader Vaibhav riyasat mein congress ke general secretary hain aur un ke paas apna koi taweel siyasi tajurbah nahi hai lehaza yeh election Gehlot aur Shekhawat ke darmiyan hi maana ja raha hai. jodhpor mein Bahujan samaaj party ( BSP ) ke Mukul Choudhry sameit kul das umeed waar intikhabi maidan mein hain .
Isi tarha riyasat ki Jhalawar. baran nishist par Raje ke rukan parliment betay aur BJP umeed waar Dashinat singh ka muqaabla congress ke naye chehray Pramod sharma ke darmiyan hai, jis mein sharmaa ke liye BJP shikast dena kafi mushkil lag raha hai. Dashinat musalsal teen baar election jeet kar jhalawar mein apni maa ki tarha apne paiir jama chuke hain aur aisay mein kisi naye chehray ke liye unka muqaabla kar pana kaafi bada challenge hai .– YTN STAFF