Jaipur : Jaisalmer-Jodhpur road par jummay ki sah pehar Bus ka tire phatt janey ke fori baad ek mini Bus aur ek Bolero ke darmiyan tassadum ke nateejay mein 9 mard, 6 khawateen aur ek bachay sameit 16 afraad halaak hogaye, jabkay mutadid zakhmi hogaye.
Ittila par police ki team mauqa par pohanchi aur zakhmion ko khareeb mein waqay balsar hospital pohonchaya, jahan se inhen jodhpor hospital muntaqil kardiya gaya. police ne bataya ke Balsar ka rehaishi, Shrawan singh, ek jeep mein apne rishtedaar ki aakhri rasomaat mein shirkat ke baad apne ghar wapas araha tha, jis mein do mard aur do khawateen theen. is haadsa mein charon ki mout hogayi. iske alawa 12 Bus musafir bhi apni jaanoun se haath dho baithe.
Mukhalif simt se aaney wali ek mini Bus ka tire phatt janey ke fouri baad hi jeep se takra gayi, jis ke baad dono gadiyaan sadak par gir gayeen. muqami dehation ne police ka ittila diya aur ambulance talabb ki. Additional superintendent police ne bataya ke zakhmion ko fouri hospital muntaqil kiya gaya.
Rajasthan ke wazeer-e-aala ashok gehlto ne tweet karkay kaha ”is haadsa par afsos ka izhaar kiya hai. unhon ne kaha ke NH 125 par jodhpur ke ilaqay Sarbal mein ek khofnaak sadak haadsa mein afraad ki halakat par shadeed dukh hua, mein ghumzdaa khandan ke sath hon“. –YTN STAFF