kerala : Congress saddar Rahul Gandhi ne jumeraat ki subah kerala ke Wayanad lok sabha halqa se apna parcha namzadgi daakhil kiya. is se qabal hazaroun ki tadaad mein logon ne Rahul Gandhi ka par josh istaqbaal kiya .
Kozhikode ek Helicopter ke zareya pohonche, Rahul Gandhi aur unki behan Priyanka Gandhi ne lag bhag 500 meter ki doori par waqay Wayanad collector office gaye, aur apna parcha namzadgi daakhil kiya. sakht hifazati intizamaa ki wajah, sirf kuch hi logon ko un ke sath jane diya gaya. baad mein Rahul Gandhi ne Wayanad mein ek road show kiya, aur ek khuli bas mein sawaar hue. unke hamrah congress general secretary Oommen Chandy bhi mojood they .
Mazkoorah road show mein awam ki kaseer tadaad moujood thi. aur hujhoom ko sambhalne mein police ko kaafi mushkilaat ka saamna karna pada. aur halaat is waqt mazeed mushkil hogaye jab Rahul Gandhi apne hamiyoun se haath mila rahay they .
Is mauqa par ek 78 sala muslim khatoon ne kaha ke’ ‘ mein ne Indra Gandhi ko dekha hai, jab kayi saal pehlay woh KoziKor aayi theen. aur ab mein unke potay ko dekh rahi hon jis se mein badi khush aur pur josh hon .
Wayanad hindu aksariyat wala halqa hai jahan par 49.48 feesad hindu hain, aur 28 feesad musalman hain. jabkay 21 feesad isaai hain. wazeh hoke kerala mein 23 April ko raye dahi hogi.- YTN STAFF