New Delhi : Congress ke sabiq sadar Rahul gandhi nay jammu wo Kashmir ke governor satiya pal malik ki janib se riyasat ka doura karne ki dawat diye jane par ek baar phir apna radd-e-amal zahir kiya hai. Is baar unhoun nay Tweeter per malik ki ji likh kar governor Satiya Pal Malik par tanz kiya hai. Rahul Gandhi nay likha ”Muhtaram malik jee, mein apne Tweet par aapka jawab dekha. mein jammu Kashmir ka doura karne aur logoun se milnay ke aap ki dawat ko qubool karta hon, jis mein kisi bhi qisam ki shart nahi hai. mein kab aasakta hon.
Rahul Gandhi nay is-se qabal bhi Tweet kiya tha, jis mein unhoun nay likha tha ”Muhtaram governor malik, mein aur opposition rehnumao ka wafad jammu wo Kashmir aur ladakh ke douray ke liye aap ki dawat qubool karte hain. hamein kisi hawai Jahaz ki zaroorat nahi hogi, lekin barah karam yaqeeni banayen ke hamein awam, markazi dhaaray ke rehnumao aur wahan moujood foujiyoun se milnay ki azaadi miley.
Rahul Gandhi ka yeh tweet jammu wo Kashmir ke governor Satiya pal malik ki dawat ke baad aaya hai. jis mein unhoun nay Rahul gandhi se waadi ka doura karne aur zameeni haqeeqat jan-nay ke liye ek hawai jahaaz bhejnay ki baat kahi thi.
Ahem baat yeh hai ke, maazi mein, jammu wo Kashmir ke governor satiya pal malik nay mangal ko congress ke rehnuma Rahul gandhi ko riyasat ke douray ke liye sharait aed karne par tanqeed ki thi aur ilzaam lagaya tha ke gandhi, hizab-e-ikhtilaaf ke rehnumao ke wafad ko laane ki baat kar ke bad-amni paeda karne ki koshish kar rahay hain. Kashmir mein tashadud ki khabar par Gandhi ke bayan par, malik nay paiir ko kaha ke woh Rahul Gandhi ko ek tayyarah waadi ka doura karne aur zameeni haqeeqat jan-nay ke liye bhejenge. –YTN STAFF