Hyderabad: Shohar se alhedgi aur dosray mard se na-jaaiz taluqaat ke baad qatal ki kahaniyan aaye din samnay aati hain lekin Warangal ke muamlay mein ek nahi kayi afraad mout ke ghaat utaaray gay jis ke baad muslim samaaj ke ek aur siyah baab se kayi parday uth gaye hain.
Warangal police ne 9 afraad ki nashoun ke kunvey se dastyab honay ka moamma hal karliya hai. un tamam ka qatal karne walay qaatil ko giraftar kar liya gaya. Warangal police ke mutabiq maqsood aalam Nami shakhs 20 saal qabal maghribi bangal se apni biwi Nisha aur bachoun ke sath Warangal muntaqil hua. Iske baad Nishah ki behan Rafiqa bhi Warangal muntaqil hogayi kyunkay khatoon ki apne shoharse alhedgi hogayi aur use teen bachay hain. khatoon ki mulaqaat riyasat bihar se talluq rakhnay walay sanjay kumar yadav se hui.
Sanjay Rafiqa ke ghar khana khaya karta aur mahana raqam ada karta tha. is douran un dono ke darmain taluqaat qayam hogaye aur iss ne Rafiqa se shadi ka wada kiya. is asna mein Rafiqa ki beti per sanjay ki nazar padhi aur wo is ke qareeb hogaya jis per rafiq barham hogayi. maamla bigadtaa dekh kar sanjay shadi karne ke bahanay Rafiqa ko sath lekar bazariye train rawana hua aur raaste mein is ne Rafiqa ko chhachh mein nasha aawar dawa mila kar pila dene ke baad is ka gala ghoont kar naash ko chalti train se pheink diya aur Warangal wapas hogaya. kaafi dinoun tak Rafiqa ke nazar na anay per maqsood aalam ko sanjay per shoba hua au wo is se musalsal pooch tach kar rahay they jis pr us ne un tamam ko rasta se hata dene ka mansoobah banaya.
Mulzim ne 20 May ko maqsood aalam ke ghar mein jis waqt unke betay ki birthday party thi khanay mein nasha aawar dawa mila di baad azan is ne unhi ke makaan mein upper rehne walay bihar ke do nojawanon ke khanay mein bhi nasha aawar dawa miladee kyunkay usay khauf tha ke woh unhein chodh dega to khud bach nahi payega.
Nasha aawar khana khanay ke baad tamam behosh hogaye is ne tamam afraad ke haath paon bandh diye aur thailoun mein daal kar un tamam ko kunvey mein pheink diya. is poooray maamla ki tehqiqaat mein CCTV footage ne ahem rule ada kiya hai. –YTN STAFF