Hyderabad: Haliya Dinon mein Hyderabad ka mausam kaafi ajeeb hochuka hai kyunkay raat mein mausam kaafi sard ho raha hai to din ka darja-e-hararat mausam garma ka ehsas dila raha hai.
4 feb ko darja-e-hararat 15 degree centigrade se bhi kam hogaya. Guzishta ek hafta mein raat ke waqt mausam ki sorat-e-haal mein achanak tabdeeli dekhnay mein aayi aur kabhi kabhi kam se kam darja hararat 5 degree se bhi kam hojata hai. 1st feb ko kam se kam darja hararat 20.6 degree tha to, aglay din yeh 15 degree per gir gaya.
Telangana state development planning society ( TSDPS ) ke zareya darj raqbay ke hisaab se kam se kam darja hararat ke mutabiq guzashta 24 ghanton ke douran sri lingapally mein 10. 8 degree centigrade record kya gaya, is ke baad BHEL( 11. 1 degree celsius ), bandlaguda ( 11. 5 degree centigrade ), west Maredpally (11.9-degree centi grade ) aur qutubullahpur ( 13.1 degree centigrade ) darj kiya gaya.
Riyasat bhar mein Komaram bhim Asifabad, adilabad, nirmal aur Kamareddy jaisay azlaa mein darja hararat 5 degree aur 7 degree ke qareeb reh gaya. IMD ke ohdedaron ne shehar mein sard raton ko khaas tor par riyasat ke zair-e-Iqtidaar shumal mashriqi ilaqon ko bataya. January mein sardi junoob mashriqi reyaston par ghalib aagai. yeh streleasers jo khaleej bangal se guzray thay isne guzashta mah shehar mein mausam sard kardiya tha.
Dar haqeeqat feb ko mausam sarma ka aakhri ka maheena samjha jata hai kyunkay raton ke douran mousmi halaat motadil hotay hain. taham TSDPD ke mausam ki paish qiyaasi se pata chalta hai ke aglay 3 din tak kam se kam darja hararat 11 degree se 14 degree ki had mein rehne ki tawaqqa ki ja sakti hai, jabkay ziyada se ziyada darja-e-hararat 29 degree se 31 degree ke aas paas reh sakta hai.