Hyderabad: Is waqt Corona ka khauf is qader chaaya huva hai ke shadi ki taqreeb jo khoshi ka samaan muhayya karti thi ab shadi mein shirkat karne walay afraad Corona ke khauf mein mubtala hain. Bairooni mulk se anay walay har shakhs ko Coronavirus ki wajah se na sirf Test kiya ja raha hai balkay inhen Quarantine mein bhi rakha ja raha hai. Hukoomat ki janib se kiye jaaane walay un iqdamaat ke bawajood kayi ek aisi khabrain manzar-e-aam par aa rahi hain jo nah sirf heran kun hain balkay awam mein khauf o dehshat ko mazeed badha rahi hai.
Aisa hi ek waqea guzashta roz pesh aaya jahan beroun mulk se anay wala ek nojawan Hyderabad mein Quarantine se faraar hokar Warangal mein apni shandaar tareeqa se shadi rachai. Is nojawan ko jo ke France se wapas aaya tha usay Hyderabad mein Quarantine mein rakha gaya tha lekin is ne hukkaam ko chakma day kar Warangal rawana huva jahan is ne apni shadi ko Schedule ke mutabiq anjaam diya. Media bamujab is ki shadi Warangal ke ilaqa Hanamkonda mein Nandana Garden Function Hall mein anjaam payi. Dulha Dulhan ke afraad khandan 3 mukhtalif shehroun se talluq rakhtay hain aur jaisay hi Ye khabar aam huvi awam mein ek qesam ki dehshat phail gayi hai.
Dulha jis ki shanakht Mahesh ke tor par ki gayi hai wo 12 March ko France se Hyderabad pouncha aur is ki Hyderabad mein Quarantine mein rakhnay ki tayari ki gayi thi. Warangal se talluq rakhnay walay is Dulha Dulhan ke khandan ek dosray ke qareebi rishta daar hain jabkay is shadi ki taqreeb mein Warangal se talluq rakhnay walay ek siyasi leader ki shirkat bhi tashweesh ka baais bani huvi hai kyunkay wo reyasti kabeena mein aala satah ka qayed honay ke alawa barsar iqtedar Party se bhi qareebi talluq rakhta hai. –YTN STAFF