Doha: Qatar Premier League ki janib se Sports Day ke mauqa par QPL Ground waqay Doha Qatar mai khusoosi match ka ihtimaam kiya gaya, Is numaishi Cricket Match mein Hydrabadi Film Stars Adnan Sajid Khan urf Gulu Dada, Akbar Bin Tabar aur Haji Kamaal urf Hydrabadi Crush ne maheman khiladioun ke tor par hissa liya. Baani o dar Qatar Premier League Siraj Ansari ne mehmanoun aur shirka ku kher muqaddam kiya aur mazkoorah khusoosi Match ke baare mein tafseelaat batayen.
Unhoun ne kaha ke Khaliji mulk Qatar mein Cricket ko farogh dainay mein QPL apna ahem kirdaar ada karta raha hai. Wazeh rahay ke Qatar Premier League ki janib se munaqqid kiye jane walay mukhtalif Season mein taqreeban 22 teams hissa le te hain jin ka talluq na sirf Hindustan se hai balkay Pakistan, Bangladesh, Sri Lanka aur Nepal se hai. Mazkoorah Match SNR Alliance aur Hydrabadi Royals ke darmain huva jis SNR Alliance ne 12 Run se kamyabi haasil ki.
Baani Qatar Premier League Siraj Ansari ne mehmanan khusoosi Hydraabadi Film Star Gullu Dada, Akbar Bin Tabar aur Haji Kamaal urf Hydraabadi Crush ko tehiniat pesh ki aur adakaroun ko Memento bhi diya. Gullu Dada, Akbar Bin Tabar aur Haji Kamaal ne is umeed ka izhaar kiya ke QPL mustaqbil mein taraqqi ki nai manzilain te karega. Saifullah naib sadar ne taqreeb ki karwai chalaye jabkay is mauqa par QPL Board arakeen Sridhar, Amer Ashfaq, Abid Khan , Amjad Khan , Gulraiz Syed, Ahmed Yafai, Khwaja Nizamuddin ke alawa deegar bhi mojood they aur Abid Khan ke shukriya par eenami taqreeb ka ekhtataam huva. –YTN STAFF