Hyderabad : Municipal wo IT ke wazeer KT Rama Rao nay jumeraat ko assembly mein waqfa sawalaat ke douran assembly ko mutala kiya ke Sabiqa congress hukoomat nay gun park area ko khatam karkay sirf metro rail ko seedhay karne ki ijazat di thi. magar kaam ko agay badhaya gaya hai. aur metro ke saaray kaam taizi se jari hain.
Wazeer IT metro muahidon mein tabdeelion aur kamon mein takheer par congress qaied Mallu Bhatti Vikramaka aur Suridhar babu ke sawaloun ka jawab day rahay they. unhon nay kaha ke Hyderabad Metro Rail Project ke kaam mulk mein dosray kamoun ke muqablay mein taizi se chal raha hai. KTR nay bataya ke puranay shehar mein metro rail jald hi shuru ki jayegi.
Unhon nay kaha ke metro rail ki kal 66 kilometer lambai decemeber tak mukammal hojayegi. hum khateer raqam ke bawajood HMR project ko mukammal karne ke liye tayyar hain. unhon nay kaha ke ab tak hukoomat nay metro rail ke kamon ke liye 14,132 crore rupay aur zameen ke husool ke liye 3000 crore rupay ki sarmaya kaari ki hai .
KTR nay kaha ke metro rail ke kaam ko takmeel tak pohanchane ke liye tezi ki ja rahi hai. unhon nay bataya ke Hyderabad Metro Rail ko ab tak 80 award mil chuke hain. unhon nay kaha ke HMR mulk ka sab se bada awaami niji shiraakat daar project hai. unhon nay bataya ke metro rail naye record qaim kar rahi hai, kyunkay rozana teen laakh afraad metro se safar kar rahay hain. –YTN STAFF