Hyderabad : Talba mein taleemi aur tawaquaat ka dabao kis had tak hota hai iska andaza karna kaafi mushkil hota hai lekin baaz auqaat aisay halaat bhi atay hain ke talba umedoun aur tawaquaat ke sath apni koshisho mein nakami ke baad khudkushi par majboor hojatay hain.
Aisa hi ek waqiya hyderabad mein paish aaya jahan engineering ki taleem mein aakhri saal ka taalib-e-ilm battery se chalne wali gaadi bananay ke project mein nakaam honay ke baad zehni dabao ka shikaar hokar khudkushi kar liya. police ke mutabiq 21 sala taalib-e-ilm devard naveend jo kay Shah inayat ganj police station ke hudood mein moujood ilaqay feel khanah ka rehne wala tha jo ke ek khangi engineering college mein B.tech ke saal aakhir ka taalib-e-ilm tha jis ke afraad-e-khandan ne police ko tafseelaat batatay hue kaha ke woh guzashta chand dinon se apne doston ke sath battery se chalne wali motorcycle ke project ki takmeel mein masroof tha aur is ne apne sathiyon aur afraad-e-khandan ko kaha tha ke woh is project ki takmeel ke sath nah sirf ek ukhtraay amal ko mukammal karega balkay is se kaafi shohrat bhi haasil karlega kyunkay is ke kaam ko tareef ki nazar se dekha jayega, lekin jab woh is ukhtraay project mein nakaam hogaya to zehni dabao ka shikaar hogaya.
Zehni tanao ki wajah se is ne guzashta raat apne ghar mein mein phansi leli. Shah inayat ganj police station ke sub inspector naresh ne kaha ke dosray din subah ghar walon ne usay phansi se latka paaya jiske baad unhon ne police ko mutala kiya. Shah inayat ganj police ne taalib-e-ilm ki laash ko post mortem ke liye Osmania general hospital rawana kiya jiske baad laash ko afraad-e-khandan ke hawalay kar diya gaya. –YTN STAFF