Mumbai: Naamwar Bollywood aur hollywood adakara Priyanka chopra In dinoun phir ek martaba khabroun ki zeenat bani hui hain lekin is martaba inhen manfi shohrat milrahi hai jabkay unki behan Neetipri chopra ne apni behan aur adakara Priyanka chopra ki cigarette peetay hue viral honay wali tasweer par tabsarah karne se inkaar kardiya.
Bollywood aur Hollywood mashhoor adakara Priyanka chopra ki haal hi mein ek tasweer viral hui hai jis mein woh cigarette peeti hui nazar aa rahi hain. jab ke unke barabar mein moujood unke shohar Nick jonas aur unki walida Madhu chopra bhi cigar ka maza le rahi hain. Priyanka ki yeh tasweer unki 37 win saalgirah ke mauqa par li gayi hai. tasweer mein Priyanka cigarette pi kar apni saalgirah ka jashnn maanatee nazar aa rahi hain.
Yaad rahay ke Priyanka chopra nah sirf asthma ke hawalay se chalaye jaaney wali muhim ka hissa hain balkay khud dammey ki mareez bhi hain aur guzashta baras unhon ne awam ko asthma ke hawalay se aagahi dainay ki muhim mein badh chadh kar hissa lia tha. lehaza social media sarfeen ne Priyanka chopra ko cigarette peenay par unke dohray miyar ko shadeed tanqeed ka nishana banatay hue inhen Doghla qarar diya hai.
Haal hi mein jab Priyanka ki behan pareeniti chopra se ek taqreeb ke douran is baarey mein sawal kiya gaya to unhon ne yeh keh kar is par tabsarah karne se inkaar kardiya ke is barey mein bolnay ka unka koi haq nahi. yaad rahay ke guzashta saal hi bollywood adakara Priyanka chopra ne twitter par inkishaaf kiya tha ke woh asthma ke marz mein mubtala hain taham yeh bemari inhen kamyaab zindagi guzaarne se nahi rokk sakti. -YTN STAFF