Lucknow : Congress ke general secretary Priyanka gandhi Vadra, sabiq markazi wazeer Sheila Kaul ke Bungalow ko Lucknow mein apni qiyam-gaah ke tour par istemaal karengi. Sheila Kaul aanjhani wazeer-e-aazam Indra Gandhi ke mamu aur mashoor nabatiaat ke maahir professor Kailash nath kaul ki ahliya theen.
Gokhle marg par waqay yeh Bungalow kayi barson se band tha aur ab usay Priyanka gandhi ki rehaish gaah ke tor par istemaal kiya jayega. party zaraye ney bataya ke Priyanka gandhi ney Lucknow mein har mah kam se kam hafta guzaarney ka mansoobah banaya hai.
2 october ko Lucknow ke apne doray ke douran, Priyanka gandhi ney ek pad-yatra ke douran, is ghar ka doura kiya aur kuch waqt guzara tha. is ghar ko abhi tak SPG ney Manzoori nahi di hai, jis se yeh pata chal sakayga ke yeh security ki tamam zaroriat ko poora karta hai ya nahi. –YTN STAFF