New Delhi : Bollywood adakara Priyanka chopra jinhon ney guzishta baras Amrici gulukar wo adakar Nick Jones se shadi karkay Hindustan se rukhsati li thi woh mustaqbil mein siyasat mein dakhlay ki khwaahan hain. Priyanka chopra aqwam mutahidda sameit deegar samaji tanzeemon aur hindustani ki reyasti hukoomaton ke sath mil kar flahi wo insani huqooq ke kaam sar anjaam day kar awam ki khidmat karti rahi hain taham ab unhon ney mustaqbil mein mauqa milnay par siyasat ke zariye awam ki khidmat karne ka iradah zahir kiya hai. Bartanwi akhbar The times ko diye gaye khusoosi interview mein 36 sala Priyanka chopra ney kaha ke agar inhen mauqa mila to woh hindostan ka Wazeer-e-Azam ban’nay ke liye intikhabaat ladhingi .
Adakara ney mazeed kaha hai ke unka khawab hai ke duniya ke tamam insaan bilaa tafreeq aur siyasi ikhtilafat rakhay baghair ek dosray se judh jayen aur kisi ko bhi dosray mulk mein jaanay ke liye ijazat aur passport ki zaroorat nah pade. Priyanka chopra ke , mutabiq unki siyasat mein dilchaspi hai aur ek tarhan se woh flahi kaam karkay awam ki khidmat karkay siyasat hi kar rahi hain. woh chahaingi ke woh mustaqbil mein apne mulk hindustan mein Wazeer-e-Azam ban’nay ki daudh mein shaamil hon. sath hi unhon ney yeh khwahish bhi zahir ki hai ke mauqa milnay par mustaqbil mein Nick Jones bhi Amrici sadaarti intikhabaat mein hissa len. adakara ney wazahat ki ke Nick Jones mein America ka achaa saddar ban’nay ki salahiyat mojood hai aur woh bhi ek behtareen Wazeer-e-Azam ban sakti hain. adakara ney interview ke douran Nick Jones se shadi se pehlay taluqaat aur shadi ke baad ke taluqaat par baat karne sameit apni pesha warana zindagi par bhi baat ki. khayaal rahay ke Priyanka chopra ney guzashta baras decemeber mein khud se 11 baras kam Umar Amrici gulukar Nick Jones se shadi karkay sab ko haeran kardiya hai. Nick Jones aur Priyanka chopra ke darmiyan shadi se daidh saal qabal taluqaat ustuwar hue they, un dono ki shadi ko Amrici media ney dhoka bhi qarar diya tha aur daawa kiya tha ke unki shadi ziyada arsay tak nahi chal sakaygi. dono ki shadi ke chand mah baad hi dono ke darmiyn ikhtilafat ki khabrain bhi Bartanwi wo Amrici media mein shaya huien aur daawa kiya gaya ke jald dono mein Talaq hojayegi, baad azan Priyanka chopra ney aisi khabron ko mustard kardiya. -YTN STAFF