New Delhi: Hindustan mein is waqt parlimani intikhabaat apne urooj par hain aur sath hi siyasi leadron ki wafadaariyan bhi sabiq se nai jamaat ke sath horahee hai is mein ab ek aur izafah Priyanka chaturvedi ka hai unhon ne aaj congress ko chodh kar Shiv sena mein shamoliat ikhtiyar karli hai. All India Congress Committee ki tarjuman aur party ke mehakma muwasilat ki Convener Priyanka chaturvedi ne guzashta kuch dinon mein unke sath naaqis Bartao kiye jaane aur aisa karne walon ko Aala-qiyadat ke tahaffuz dene ka ilzaam lagatay hue party ke sabhi ohdon aur rukniat se istifa day diya hai .
Chaturvedi ne party ke saddar Rahul gandhi ko apna istifa bhej diya hai, unhon ne guzashta ek haftay ke douran party ke karkunaan ke mubayyana buray bartao unke silsilay mein party ki qayadat ke rawayye par dukh ka izhaar karte hue yeh bhi kaha ke inhen mehsoos ho raha hai ke congress mein woh apni izzat aur apne etemaad ki qeemat ada karne lagi hain. unhon ne kaha kafi dukhi honke congress mein apna khoon paseena bahanay walon se ziyada ghundon ko tarjeeh mil rahi hai. party ke liye mein gaaliyan aur pathar khaayi hain, lekin is ke bajaye party mein rehne walay leadron ne hi mujhe dhmkyan den. jo log dhamkiyan day rahay they woh bach gaye hain. unka baghair kisi karwai ke bach jana bad qismati hai .
Mohtarma Chaturvedi ne apne Twitter account par ye khat Upload kiya hai unhon ne Twitter se IICC tarjuman ke ohda ka naam bhi hatadya hai halaanke unhon ne Rahul Gandhi ko rawana kardah apne istifa mein apne das saal ke siyasi safar mein mili unki himayat aur taawun ke liye shukriya ka izhaar bhi kiya hai .
Chand din qabal Uttar pardesh ke Mathura shehar mein Rafael maslay par ek press conference mein chaturvedi ne BJP shadeed tanqeed ki thi jis mein congress ke muqami karkunaan ne unke sath bad sulooki thi. iske baad un karkunaan par tadeebi karwai ki gayi lekin baad mein baday leadron ke kehnay par yeh karwai rok di gayi. chaturvedi ko yahi baat nagawaar guzri .- YTN STAFF