Hyderabad: Telangana Private Teachers Forum ke ek wafad ne wazeer taleem Subita Indra Reddy se mulaqaat ki aur kayi masail par tavajja dilae. Baad azan media se baat karte huve Forum ke sadar Shaik Shabbir Ali ne kaha ke wazeer e taleem ne daawa kiya ke Private Teachers ke masail par wazeer e aala K Chandrashekhar Rao ki tavajja dilaye gayi jis par unhoun ne misbet rad-e-amal ka izhaar kiya hai. Unhoun ne kaha kay Private Schools mein tabdeelioun aur un ko asar-e-no tour par behtar bananay lainay ke liye ek Committee tashkeel di jaye gi.
Is committee mein Private Schools Teachers Forum ke arkaan bhi shaamil hon ge. Unhoun ne kaha kay wazeer e taleem ne yaqeen dehani karwai ke mangal ku Schools ke intizamia ke sath ijlaas talabb kiya jaye ga jis mein asateza ki tankhwahoun ke baaray mein tabadlah khayaal kiya jaye ga. Unhoun ne kaha ke GO 45 par yakeeni tour par amal kiya jaye ga. Hukoomat Private Teachers ke sath hai.