New Delhi : Bhopal ki rukan-e-parliment Sadhvi Pragya singh Thakur ka mutanazia bayan ke “naalian aur toilet saaf karne ke liye muntakhib nahi ki gayi”.
Is bayan par rukan-e-parliment Hyderabad wo sadar AIMIM Asaduddin Owaisi nay Pragya singh Thakur ko tanqeed ka nishana banatay hue kaha ke ”oh! Wazeer-e-aazam ke swachita programme ko challenge kar rahi hain. woh yeh bata rahi hain ke woh aala zaat se talluq rakhti hain, aur jo toilet saaf karte hain woh unke barabar nahi hain.
Asaduddin Owaisi nay mazeed kaha ke ”Pragya singh ke is bayan par mujhe koi herani nahi hui. woh aisa is liye kehti hain, kyunkay unki sonch hi aisi hai. yeh badey afsos ki baat hai. unhon nay khulay aam wazeer-e-aazam ke programme ki mukhalfat ki hai. is se new India kaisay banega. –YTN STAFF