Mumbai: Bollywood filmon ke shoqeen afraad ko corona bohraan ke baad apne pasandeeda adakaron ki badi budget ki filmon ka be sabri se intezaar hai jiske liye kayi ek badi filmon ki shooting bhi zor vo shor se jari hai aur aisi hi ek badi film Adiprush hai jis mein Saif Ali Khan aur Bahubali ke Hero Prabhas markazi kirdaar adar kar rahay hain jiski shooting Mumbai mein jari hai lekin is film ki shooting ke douran set par aag lagi.
Tafseelaat ke mutabiq jab guzashta roz shaam 4 bajkar 10 minute ke qareeb Mumbai mein Adiprush ke set par achanak aag bhadak uthi. Mumbai mein Gurgaon ke ilaqay mein Inorbit mall ke peechay retro grounds mein film ke set par is mauqa par lag bhag pachaas se saath afraad mojood thay. Film ke unit ke qareebi zaraye ne kaha ke aag lagnay ke waqt Prabhas aur Saif Ali Khan set par mojood nahi thay. film ke hidayatkaar Om raut aur marathi adakar Surya set par mojood thay aur shooting ek chroma screen ke sath ho rahi thi. kuch FX manazair bhi shot kiye jarahay thay. atishzadgi ke waqt set par mojood koi shakhs zakhmi nahi hua.
Zaraye ne mazeed kaha ke is mauqa par set par mojood cast aur amlah mehfooz raha. aaj subah om raut ka aadipursh ki shooting taizi se jari hai. Prabhas ne Instagram par film ke poster ka ishtiraaq karne ke ke sath lafz arambh ( aaghaz ) likha tha. Mumbai fire brigade ke mutabiq aath fire engine, paanch jumbo tanker, ek water tanker aur ek JCB ko mauqa par pohanchaya gaya jis ne aag par qaboo paaya.