Jaipur: Congress ke Senior leader wo Rajsthan ke wazer-e-aala Ashok Gehlot holi ke mauqe Per Wazer-e-aazam Narendra Modi aur BJP par jam kar barsay. unhoun ne jumaraat ko kaha ke Narendra Modi ki qiyadat wali ( NDA ) hukoomat poori tarhan nakaam rahi hai. kyunkay maeeshat tabah ho gayi hai .
Unhoun ne BJP se appeal ki ke meharbani karkay mahol ko nah begadein, khud etemadi aur pyar se siyasat karen aur phir kamyaab kon hota hai yeh awam par chodh dein .
Holi ke mauqa par apni rehaish gaah par ashok Gehlot ne kaha ke’ ‘ mudda hona chahiye berozgari ka, mudda hona chahiye kisanon ki halatka, mudda hona chahiye mehengai kam karne ka, magar Modi hukoomat un paanch saloon mein poori terha nakaam saabit hui hai .