Hyderabad : Shehar ke Jubilee bus station ke qareeb jumeraat ki subah police ne 2 afraad ko hirasat mein le liya, jo ek bachay ko zindah dafnane ki koshish kar rahay they. dono afraad ko 9 :30 bajey ke qareeb ek auto rickshaw driver ne bus station ke qareeb khulay maidan mein dekha, ek ke haath mein ek bag tha. aur ek gdrha khod raha tha. auto driver ne is baray mein police ko aagah kiya.
Police ke mutabiq, yeh dono afraad Karimnagar zila ke rehne walay they. bachay ko ek bag mein lekar ja rahay they aur pooch tach karne par unhon ne police constable s venkat ram krishan ko bataya ke bacha fout hogaya hai is liye woh murda sher khawar bachay ko dafan kar rahay hain, kyunkay inhen public transport mein le jaaney ki ijazat nahi thi aur un mein se ek bachay ka dada tha.
police ka mazeed kehna hai ke, jab constable ne bag check kiya to usay maloom hua ke qareeb 3 din ki ek bachi zindah hai. dono afraad ko tehweel mein liya gaya aur bachi ko Gandhi Hospital muntaqil kar diya gaya. un dono afraad se police pooch tach kar rahi hai. –YTN STAFF