Riyadh: Saudi arab ke shehar Hail mein mehakma sahet nay kaha hai ke khangi medical center se ek jaali arab Dr khatoon ko girftar kiya gaya hai jo plastic surgery mein kisi degree ke baghair operation kar rahi thi.
Tafseelaat ke mutabiq arab khatoon plastic surgery ek arsay se kar rahi thi jo raton raat doulat mand ban’nay aur doosri janib khobsorat ban’nay ke junoon ka nateeja hai.
Mehakma sahet hail ney twitter ke apne account par bayan mein arab khatoon ki shehriat nahi batayi taham kaha hai ke woh surgery ka kaam kisi mustand degree ke baghair anjaam day rahi thi. mehakma sahet ney arab khatoon ke khilaaf qanooni karwai ke liye iski file mutaliqa idaray ke hawalay kardi hai jo pooch gach mukammal karkay is ke khilaaf muqarara saza ka faisla karega.