Hyderabad: Whatsapp ke baghair aaj zindagi ka tasawur mahaal hai kyunkay yeh infiradi umoor se leker daftari umoor mein har aan apne sarfeen ko sahuliyaat aur faiday pohanchati hai jaissa ke hum sabhi yeh jantay hain ke Whatsapp duniya ki maqbool tareen messaging service hai jiske mahana sarfeen ki tadaad daidh arab se zayed hai lekin is mein ek bada masla darpaish hota hai aur woh hai ke Whatsapp ke sarfeen ko apne mobile phone ki laazmi zaroorat hoti hai jabkay is ke bar aks Email aur Facebook jaisi sahuliyaat ke liye kisi ek device par inhisaar laazmi nahi lekin is Whatsapp mein web ya desktop app mein sign in karkay mukhtalif features ko istemaal kiya ja sakta hai taham is ke liye bhi phone ko Desktop ke qareeb rakh kar internet se marboot rakhna padta hai aur yeh bhi zurori hai ke ek Whatsapp account ek waqt mein sirf ek device par hi kaam karta hai. taham ab yeh sab kuch badalny wala hai aur dar haqeeqat rawan saal Whatsapp ki chand badi tabdeelion mein se ek hogi.
Whatsapp updates par nazar rakhnay wali site ke mutabiq Whatsapp ki janib se ek naye platform ki tashkeel par kaam kiya ja raha hai jo ek Account ko baik waqt kayi devices par login honay mein madad dayga. is platform ki badolat sarfeen apne Whatsapp Account ko mutadid devices mein istemaal kar sakenge aur is tarhan yeh service Apple ke I message ya Facebook messenger ki tarhan kaam karne lageygi.
Abhi yeh wazeh nahi ke yeh feature kis tarhan kaam karega kyunkay is waqt Whatsapp ka ek ahem security feature massages ko phone number se marboot rakhta hai aur sirf Sarif ke phone par hi mehfooz karta hai, yahi wajah hai ke Desktop aur web apps mein Whatsapp ki sahuliyaat se istifada ke liye phone ki mojoodgi ki zaroorat padtee hai.
Doosri janib Whatsapp ki janib se web version ko behtar bananay par bhi kaam kiya ja raha hai. Ek aur report ke mutabiq company ki janib se universal window platform app ki tayari ki jarahi hai jis ke tehat phone band honay par bhi yeh Whatsapp kaam karega. yani web version istemaal karte hue phone ko internet se marboot ( connect) karne ki zaroorat nahi hogi aur yeh bhi sarfeen ke liye bhi badi tabdeeli hogi kyunkay sarfeen apne Aziz wo aqareb se is waqt bhi raabtey mein reh sakenge jab unke paas phone nahi hoga lekin computer par Whatsapp istemaal kar sakenge. –YTN STAFF