New Delhi: Lok Sabha intikhabaat ke pehlay marhala ke liye 11th April ko honay wali raye dahi ke liye intikhabi muhim aaj shaam khatam hojayegi. pehlay marhala mein 20 riyastoun ke 91 lok sabha nishistoun ke liye raye dahi hogi. Election Commission ki janib se pehlay marhala ki raye dahi ke liye 18 March ko elaan kiye janey ke baad intikhabi muhim zor wo shore se shuru ho gayi thi. Election Commission ne 17th lok sabha ke qiyam ke liye 7 marhloun mein honay walay intikhabaat ka programme 10th March ko elaan kiya tha .
Election Commission ke mutabiq pehlay marhala ke liye 8th April tak jumla 1279 umeed waar intikhabi maidan mein hain. is marhala ke liye namzadgi daakhil karne ki aakhri tareekh 25th March aur naam wapas lainay ki aakhri tareekh 28th March thi .
Election Commission ki ittila ke mutabiq pehlay marhala mein honay wali raye dahi ki 91 nishistoun par subah saat bajey raye dahi shuru hogi. un mein se kuch nishistoun par shaam 4 bajey tak, kuch par 5 bajey tak aur kuch par 6 bajey tak raye dahi hogi .- YTN STAFF