Peddapalli. Zila Peddapalli ke mauza Hanumantupet mein hafta ki subah aik bada haadsa tal gaya. Bachon se ladi aik School Bus barqi Transformer se takra gayi taham Bus mein sawaar bachay mehfooz rahay. Bus ke Transformer se takaraane ke baad woh Transformer se judey taaron par jhoolti rahay, aur yahi taar Bus ko khait mein ulat janey se bachaaye rakhay. Jis waqt yeh haadsa paish aaya is waqt barqi sarbarahi masdood thi jis ki wajah se koi bada sadesa paish nahi aaya. Tafseelaat ke mutabiq qareeb 8:45 bajey subah driver ney Sukhmaya kamaan ke qareeb gadi modte hue Bus par qaboo khoodia aur Bus be qaboo hokar Transformer se takra gayi. Transformer se takaraane ke baad Bus ulat hi padtee thi ke Transformer se judey taron ney Bus ko palti khanay se rokay rakha. Yeh Bus Crescent High School ki thi aur haadsa ke waqt 50 bachon ko school le jarahi thi. Jis waqt yeh haadsa paish aaya Bus mauza Vennampalli mandal Kalvasri Rampoor se bachon ko sawaar kar leney ke baad wapas Peddapalli lout rahi thi. Is haads se 8 bachon ko mamooli chouten ayen jinhein fori firstadd diya gaya.