Patna : Reyasti hukoomat ke khilaaf senkdoun logon ne hafta ke roz apne apne ilaqoun se saelaab ke pani ko nikaalte aur unko raahat faraham karne mein nakami par ehtijaj kiya.
Patna ke Danapur ilaqay ke rehaishion ne golah road tea point ke qareeb sadkein band kar dein, tyre jalaaye aur hukoomat ke khilaaf shadeed naaray baazi ki. unka kehna tha ke 6 din qabal barish ruknay ke baad bhi Patna municipal cooperation aur deegar sarkari idaray, colonies aur apartments se sealaab ka pani nikaalte mein nakaam rahay hain.
Muqami police ohdedaron ne muzahireen ko yaqeen dehani karate hue sadkon ki naka bandi khatam karne ki darkhwast ki. it-tila-aat ke mutabiq, pichle teen dinon mein, aabi ilaqon se taaluq rakhnay walay logon ne dar-ul-hukoomat mein ek darjan se ziyada muqamat par ehtijaj kiya hai. unke ehtijaj ne sorat-e-haal mein behtari ke baray mein aala sarkari officers ke daavoun ko be-naqaab kardiya. bhaari barish ke baad Bihar mein sarkari halakatoun ki tadaad Patna mein 73 hogayi hai. –YTN STAFF