Patna : Maweshion ki mubayyana chori ke ilzaam mein Patna ke mokama ilaqa mein ek noujawan ko peet peet kar halaak kardiya gaya. Police ke mutabiq, ye waqea peer ki raat ko is waqt pesh aaya, jab baarapur gaon se taaluq rakhnay walay kuch noujawan maweshi chori karne ki niyat se moray gaon mein daakhil hue they.
Chori ke douran jab maweshi be-qaboo ho gaye, tab kuch dehati jaag gaye aur mubayyana choroun ka peecha karna shuru kardiya. gaon ke logon ne un mein se ek ko pakad liya, jabkay baqi farar honay mein kamyaab hogaye. police ne bataya ke dehation ne mushtaba chor ko lathiyon se be rehmi se peetta.
Waqeye ki ittila milnay par police mauqa par pohanchi aur nojawanon ko gaon ke chungal se nikala. usay hospital mein daakhil karaya gaya, jahan woh zakhamo ki taab na laatay hue dam todh diya. police ke mutabiq is noujawan ki shanakht baara pur gaon ke matlu bend ki haesiyat se ki gayi hai. police ki janib se 12 taa 15 afraad ko tehweel mein liya gaya hai aur is waqea ki tehqiqaat jari hai. –YTN STAFF