Hyderabad : East zone ke Osmania university police station ke amlay aur unke arkaan-e-khandan ke liye itwaar ke roz ”Aatmiya Sammelanam “ ka ineqad kiya gaya. city police commissionaire Anjani kumar aur unki shareek hayaat Vasundhara Sinha, IRS, ney maheman khusoosi ki hesiyat se shirkat ki.
T. Govinda Reddy, additional DCP east zone ke humra, Kachiguda ke ACP Sudhakar , inspector Rajashekhar reddy , Osmania university police station ke L Ramesh naik ney ghar ke tamam afraad ko tahe dil se khush aamdeed kaha. is mauqa par ahal-e-khanah ki tafreeh ke liye saqafati programme ka ihtimaam kiya gaya tha.
Commissionaire ney khandan ke afraad se mulaqaat par khushi ka izhaar kiya aur kaha ke unhon ney police station ke ehalkaron ke lawahiqeen ke liye ”Aatmiya Sammelanam “ka ehtimaam kiya, kyunkay woh kumba ki reedh ki haddi hain aur unke tawun ki wajah se hi police ahelkaar apni khidmaat anjaam dainay mein kamyaab hotay hain. Mazkoorah taqreeb mein 250 ke qareeb afraad ney hissa liya. Anjani kumar ney police ehalkaron ke sath khana khaya. –YTN STAFF