Hyderabad: Shehar Hyderabad ke ahem Osmania hospital ke 2 medical wards mein farsh par pani ke aajane ke kal ke waqea ke baad hukkaam ney aaj kayi mareezoun ko imarat ki pehli manzil par muntaqil kardiya. Mareezoun ki muntaqili ke baad hospital ke Sanitization staff aur GHMC Staff nay Wards ki safai ka kaam anjaam diya. Sath mein ward ko jaraseem se pak bananay ka spray bhi kiya gaya. Hospital ke RMO Mohammad Rafi nay kaha ke mareezoun ko kaafi ahthyat ke sath hospital ki pehli manzil par aaj subah muntaqil kiya gaya. Unhon nay kaha kay pani ki nikasi ka kaam karne tak nichli manzil ko band kardiya gaya.
Osmania Hospital mein barish ka pani. Mareezoun ko pehli manzil muntaqil kardiya gaya
