Hyderabad: Shehar Hyderabad ke Osmania Hospital ke Doctors ne ”Osmania Bachao. Nai imarat ki tamer karo” Naam se ehtijaj kiya. Is mauqa par media se baat karte hue Doctors JAC ke Leader Ramesh ne kaha ke hospital ki nai imarat ki taamer mein rukawat peda karna munasib hai. Unhoun ne kaha ke yahan par ilaaj ke liye anay walay afraad aur un ki timardari karne waloun ki zindaganian ahem hain.
Ramesh ney kaha kay 2015 mein wazeer e aala K Chandrashekhar Rao ne is hospital ka maayenah kiya tha aur hukkaam ko hidaayat di thi ke wo nai imarat is hospital ke liye taamer kere taham baaz afrad ne is mein rukawat peda ki jinhoun ney adalat se rujoo hotay hue is par hukum iltiwa haasil karliya. Unhoun ney intibah diya ke wo is martaba nai imarat ki taamer mein rukawat mein kisi ke bhi rakhna ko bardasht nahi karen ge.