Adelaide: Hindustan ne beron mulk apne pehlay gulaabii gaind ke test mein naaqis shuruvaat ki hai halaanke middle order mein captain virat kohli aur nayab captain Ajinkya rahane ne kisi qader behtar muzahira karte hue team ko qabil qader score tak pohanchaya.
Pehlay din ke ekhtataam par hindustani team ne 6 wicketon ke nuqsaan par 233 runs score karliye hain lekin virat kohli ki nisf century, Pujara aur Rahane ke 40 runs se zayed ki inning na hoti to Hindustan ki haalat mazeed kamzor hoti.
Inning ka aaghaz prithvi shaa aur Mayank Agarwal ne ki. taham doosri ki gaind par Mitchel starc ne shaw ko bold karte hue Australia ko behtareen shuruvaat fraham ki. infiradi aur majmoi tor par team ka abhi koi score bhi nahi bana tha Hindustan ko pehla nuqsaan bardasht karna pada jis ke baad Mayank Agarwal ko 17 runs ke infiradi score per Cummins ne bold kya. Hindustan ko jis waqt doosri wicket ka nuqsaan hua is waqt team ka majmoi score sirf 32 runs tha.
Ibtidayi nuqsanaat ke baad captain virat kohli aur Pujara ne majmoi score ko 100 runs tak pohanchaya. is mauqa par 43 runs par khailnay walay Pujara ko autraliyai spiner livin ne out kya. Hindustan ke liye virat kohli ne 8 chowkun ki madad se 74 runs ki inning kheli lekin Rahane ke hamrah wicketon ke darmiyan ghalat fehmi ne is partnersship ko toda aur Hindustan ko kohli ka bada nuqsaan bardasht karna pada.
Rahane 3 chowkun aur ek chhakay ki madad se 42 runs score kar paye jabkay Hanuma vihari 16 runs ki ining khail paye. Din ke ekhtataam par saha 9 runs aur rawichnadran ashwin 15 runs banakar wicket par moujood hain. Australia ke liye starc ne 49 runs ke aiwz do khiladion ko out kya jabkay hazal wood ne 47, Cummins 42 aur lyon 61 runs ke aiwz fi kis ek khilari ko out kiya. qabal azeen Hindustan ne toss jeet kar pehlay batting ka faisla kiya lekin openers maheman team ko behtar shuruvaat fraham karne mein nakaam rahay hain .
qabal azeen Australia ne Hindustan ke khilaaf pehlay test cricket ke pehlay din dono openers ko bah aasani nimta kar maheman team ko shroaati jhatke diye. dinner tak Hindustan do wicket ganwaa kar 41 runs bana paaya tha. dono teamon ke darmiyan yeh muqaabla day-night hai aur gulaabii gaind se khela ja raha hai. ashayih tak pujara 88 gaindon mein 17 run aur captain kohli 22 gaindon mein paanch run bana kar crease par mojood thay.