Singapore: Lockdown mein Video Call ke liye ziyada maqbool honay wali App zaum par jahan taleem, Daftari kaam, Shadi aur mamool ke deegar kaam ho rahay hain wahein adalti sargarmia bhi ho rahi hain aur pehli martaba is Software ke zareya Online sazae mout sunai gayi hai. Singapore mein manshiat ke kaarobar mein mulawis shakhs ko zaum Video Call par sazae mout sunai gayi, Jo apni noiyat ka pehla waqea hai.
Khabar rasan idaray ke mutabiq adalti dastawizaat mein likha gaya hai ke 37 sala Punithan Genasan jis ka talluq Malaysia se hai ko Heroin ka kaam karne par saza sunai gayi hai.
Singapore ki adaltِ-e-uzma ke ek tarjuman neh media ke sawal ke jawab mein kaha ke sab ki hifazat ke liye samaat video conference par ki gayi. Unhoun neh mazeed kaha ke ye pehla muqadma tha jis mein sazaye mout online sunai gayi. Punithan Genasan ke wakeel V Punithan ne kaha ke un ke mokil ko judge ka faisla Zoom Call par mila jis ke liye wo Appeal karne ka soch rahay hain.
Insani huqooq ki tanzeemoun neh sazaye mout ke elaan ke liye Zoom call ke istemaal par tanqeed ki hai. Taham paiter Punithan ne kaha ke inhen Zoom ke istemaal par koi aiteraaz nahi kyunkay is ko sirf Judge ka faisla sunanay ke liye istemaal kiya gaya jin ki aawaz saaf sunai day rahi thi aur koi aur qanooni dalail nahi diye gaye. –YTN STAFF