Kochi: BA angrezi ki taliba Nameta Narayan online classes mein taleem haasil karne ke liye apne 2 manzila makaan ki ghair hamwar chhat par ghantoun baith gayi. Wo qareeb se guzarnay waloun ki herat angaiz nigahoun ka markaz bani huvi thi. Chunkay coronavirus neh Colleges ko band karne par majaboor kiya is ke baad talba nisaab ko mukammal karne ke liye online classes ka sahara le rahay hain. Namita ko apne makaan ki chhat wo wahid jagah bani jahan Network ke signals mil rahay they aur wo online lecture mein shirkat karpayi.
Media se guftagu karte huve is Taliba ney kaha ke mein ney apne ghar mein tamam jaghoun par mobile Network haasil karne ki koshish ki bashamool bar aamade aur chhat aakhir-kaar mujhe apne 2 manzila makaan ke oopri hissay mein kaafi aaccha signal mila.
Nameta Kuttippuram KKMCT Arts and Science College ki taliba hai. Nameta ke waalid Kottakkal Arya Vaidya Sala mein mulazim aur is ki walida GMLP school Malappuram mein ek Teachers aur unhoun ney Online Classes se istifada ke liye beti ke chhat par chadhne ke faislay ki himayat ki yahan tak ke is kaam ke liye kuch
Nameta ne media se kaha ke barish koi masla nahi hai, Lekin garaj chamak ke sath bijli girty hai to masla ho sakta hai. Meri tara bohat saaray talba ko bhi achay Network ka masla darpaish hai. Un mein se kayi mukhtalif mutabadil rastay talaash kar rahay hain.
Nameta ke waalid ne kaha ke unhoun ne behtar Network ki farahmi ke liye mutadid mobile phone operators se rujoo kiya hai lekin calbe ki dasteyabi nah honay ki wajah se ye mumkin nahi hosaka. –YTN STAFF